38-оят. «Аниқки, биз осмонлар ва ерни ҳамда уларнинг ўртасидаги бор нарсани олти кунда яратдик ва Бизни ҳеч қандай чарчоқ ушлагани йўқ».
Ҳасан ва Қутода: − Яҳудлар айтишдики: − Аллоҳ маҳлуқотларни 6 кунда яратди. 7-куни эса дам олди. У шанба кунидир. Улар шу кунни дам олиш куни деб номладилар. Шунда Аллоҳ таоло ушбу оятни нозил қилди.
Икрима ибн Аббосдан: − Яҳудийлар Расулуллоҳ  (соллаллоҳу алайҳи васаллам)га келишиб осмонлар ва ернинг яратилиши ҳақида сўрадилар. Шунда Расулуллоҳ (соллаллоҳу алайҳи васаллам): − Аллоҳ ерни биринчи ва иккинчи куни яратди, тоғларни учинчи куни яратди, осмонларни тўртинчи ва бешинчи куни яратди, жума куни эса юлдузларни, қуёшни ва ойни яратди, − дедилар. Яҳудлар: − Эй Муҳаммад, кейин нима бўлди? – дейишди. У киши: − Кейин Аллоҳ Аршга ўрнашди, − дедилар. Улар: − Тамомига етказсанг, тўғри айтган бўлардинг, кейин Аллоҳ дам олди, − дейишди. Бундан Расулуллоҳ  (соллаллоҳу алайҳи васаллам)қаттиқ ғазабландилар. Шунда ушбу оят нозил бўлди.