Ундан ривоят қилинишича: «Аллоҳ таоло инсонларни Қуръон билан зийнатлаган, мен ҳам Қуръон билан зийнатланганларданман. Агар шундай бўлмаганида, бўйнимга кўкат ва сабзавотлар солинган идишни осиб, Куфа кўчаларини кезиб юрар эдим». Ундан кўплаб қизиқ ҳикоя ва латифалар ривоят қилинган. Бир куни у талабалари олдига чиқиб (ҳазиллашиб): «Агар уйимда сизлардан кўра ёмон кўрадиган кишим бўлмаганида, сизнинг олдингизга чиқмаган бўлар эдим», деган. У 148 сана рабиъул аввал ойида вафот этган.