Қироат бобида «Ғуня» китобини ёзган. Айтиладики, у киши кўп ўлкаларга бориб, қироат илмини ўқиб келган ва бу унинг кўп сафар қилганига далолатдир. У зотнинг ўзи бундай дейди: «Машойихларнинг номларини зикр қилишга берилиб кетишимнинг боиси улар билан фахрланиш, ҳақларига дуо қилишга тарғиб зтиш ва уларга иқтидо қилмоқчи бўлганларга билдириш ҳамда мен қироатни бир томондан ёки битта йўлдан олмаганимни англатиш учун, чунки кўп имомлардан ривоят қилинадики, ким қироат ёки ривоятни биргина йўлдан олса, қироатнинг ҳидини ҳам ҳидламабди».