Қуръони Карим саккизинчи халқаро мусобақаси шу йилнинг 24 ва 25 ноябрь кунлари мустақил давлатлар ҳамдўстлиги қориларининг иштирокида Татаристон республикаси пойтахти Қозон шаҳрида бўлиб ўтади.

Эрон Қуръон ахборот агентлиги (ИКНА)нинг Европа минтақасидаги бўлими хабар беришича, бу мусобақа Россия Ислом университети Қуръон ҳофизларини тайёрлаш марказининг ташаббуси ва Қуръон ҳофизларини тайёрлаш халқаро ташкилоти, Қувайт Исломий фанлар ижтимоий ташкилоти ва «Қуръон нури» хайрия жамғармасининг ҳамкорлигида ўтказилади.
Мусобақа иштирокчилари Қуръони Каримни тўлиқ ёдлаш ва Қуръон оятларини тўғри қироат қилиш бўйича беллашишади.
Мусобақа ташкилий қўмитасига кўра бу рақобатларда мустақил давлатлар ҳамдўстлигининг қорилари ўз миллий кийимларида иштирок этишади.
Қайд этиш керакки, ушбу мусобақа 2005 йилдан буён Татаристон республикаси пойтахти Қозон шаҳрида ўтказиб келинмоқда.