Ҳозирда Яқин Шарқда тинчлик ўрнатиш комиссиясининг вакили мансабида ишлаб турган, Британиянинг собиқ бош вазири Тони Блэрнинг айтишича, у ҳар куни Қуръони Каримни ўқир экан.

У: «Мусулмонларнинг муқаддас китобини мутолаа қилиш менинг дин ишларидан хабардор бўлишимни кафолатлайди, зеро глобаллашган оламда диннинг аҳамият катта», – деди оммавий ахборотга берган суҳбатида. Шунингдек, у Қуръонни ҳозирги оламда рўй бераётган ҳодисаларни фаҳмлаш мақсадида, АҚШ, Европа ҳамда Россияни бирлаштириб турган мазкур ташкилотнинг вакили сифатида фаолият олиб бориши, ҳаёт юргизиши учун Қуръоннинг биринчи даражали ва бениҳоя фойдали бўлгани юзасидан мутолаа қилишини айтди.
Тони Блэр 2007 йил бош вазирлик мансабидан бўшаганидан кейин католик динига кирган эди. У америкалик Тери Жонснинг Қуръони Каримни 11 сентябрь хотираси учун ёқишини танқид қилиб, уни аввал Қуръонни ўқиб чиқишга чақирган эди.
Бироқ  бу ҳали, Тони Блэр Қуръонга иймон келтирди, дегани эмас, албатта.