Лондондаги Ислом Маданият маркази ва марказий масжид ташаббуси билан халқаро Қуръон мусобақаси ўтказиладиган бўлди.
«ИКНА» интернет ахборот сайтининг хабар қилишича, мазкур мусобақа жорий йилнниг 19 августидан бошланади ва олти кун давом этади.

Мусобақа 25 ёшга тўлмаган қорилар иштирокида бўлиб ўтади ва бешта йўналишда олиб борилади:
1.Қуръони Каримнинг тажвид ва тартил асосида тўлиқ ҳифзи ҳамда 15 поранинг тафсири;
2.Қуръони Каримнинг тажвид ва тартил асосида тўлиқ ҳифзи;
3.Қуръони Карим 20 порасинининг тажвид ва тартил асосида тўлиқ ҳифзи;
4.Қуръони Карим 10 паорасининг тажвид ва тартил асосида тўлиқ ҳифзи;
5.Қуръони Каримдан 6 поранинг тажвид ва тартил асосида тўлиқ ҳифзи.
Ҳакам ҳайъати Мисрдаги «Ал-Азҳар» жомиъасининг Қуръон ҳифзи бўйича мутахассис устозларидан тузилади.