12 мартда Т.Сатылганов номидаги қирғиз миллий филармониясида Қуръон ўқиш бўйича 5- Республика мусобоқаси бўлиб ўтди.

Қирғизистон диний бошқармасининг хабар беришича, мусобақада 15 ёшдан 25 ёшгача бўлган 28 нафар иштирокчи қатнашган. Мусобоқа уч йўналишда ўтказилди: биринчиси Қуръонни тўлиқ ёдлаганлар учун, иккинчиси Қуръонни учдан бир қисмини ёдлаганлар учун, учинчиси Қуръонни тажвид билан ўқувчилар учун. Мусобоқанинг мукофот фонди 1 млн. 65 минг. сом (17300 доллар)ни ташкил этди. Фахрий ўринларни олганлар 20 минг (325 доллар)дан, 200 минг сом (3250 доллар) гача, пул мукофотлари билан тақдирланишди. Маросимда Қирғизистон муфтиси Максатбек хожи Токтомушев, мисрлик қори Маҳмуд ал Тухия ва бошқа машҳур арбоблар иштирок этишди.