Қабр ҳаётига ва қабр азобига далил қилинган оятлар қайсилар?

Жавоб
النَّارُ يُعْرَضُونَ عَلَيْهَا غُدُوّاً وَعَشِيّاً وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ {46}

«(У азоб кабрдаги бир) оловдирки, улар эртаю  кеч унга тутиб турилурлар. Қиёмат қойим бўладиган кунда эса (дўзах фаришталарига): «Фиръавн зодагонларини энг каттик азобга киритингиз!» дейилур» (Ғофир, 46).
Қўшимча далил ва маълумотлар:
قَالُوا رَبَّنَا أَمَتَّنَا اثْنَتَيْنِ وَأَحْيَيْتَنَا اثْنَتَيْنِ فَاعْتَرَفْنَا بِذُنُوبِنَا فَهَلْ إِلَى خُرُوجٍ مِّن سَبِيلٍ
«Улар: «Эй Роббимиз, Сен бизни икки марта ўлдирдинг, икки марта тирилтирдинг. Бас, биз гуноҳларимизни эътироф этдик. Энди чиқишнинг бирон йўли борми?» дедилар (Ғофир, 11).
حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ {99} لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِن وَرَائِهِم بَرْزَخٌ إِلَى يَوْمِ يُبْعَثُونَ
«Токи улардан бирига ўлим келган чоғда: «Эй Роббим, мени (ҳаётга) қайтаргин. Шоядки, тарк қилган нарсамда солиҳ амал қилсам», дер. Йўқ! Албатта, бу (қуруқ) сўз бўлиб, у айтгувчи, холос. Уларнинг ортида қайта тириладиган кунларигача тўсиқ бордир» (Мўминун, 99, 100).

Имом Бухорий «Қабр азоби ҳақида келган нарсалар ҳақидаги боб» (86-боб)ида юқоридаги оятлардан ташқари  Анъом сурасининг 93-оятини ҳамда  Тавба сурасининг 101-ояти далил сифатида келтирган.