Олов ичида (дўзах қаърида) ўсадиган дарахт қайси, у нима сабабдан яратилган ва қайси оятларда зикр қилинган?

Жавоб
Заққум дарахти. Унинг таърифи Қуръонда уч сурада зикр қилинган.
У гуноҳкорлар, ёлғонга чиқарувчиларга едириб, азоб бериш учун чиқарилган. Шунингдек, баъзи инсонларни синаш, мунофиқ ва кофирларни фитнага солиш учун ҳамдир:
أَذَلِكَ خَيْرٌ نُّزُلاً أَمْ شَجَرَة الزَّقُّومِ ُ إِنَّا جَعَلْنَاهَا فِتْنَةً لِّلظَّالِمِينَ إِنَّهَا شَجَرَةٌ تَخْرُجُ فِي أَصْلِ الْجَحِيمِ   طَلْعُهَا كَأَنَّهُ رُؤُوسُ الشَّيَاطِينِ فَإِنَّهُمْ لَآكِلُونَ مِنْهَا فَمَالِؤُونَ مِنْهَا الْبُطُونَ
«Манзил ўлароқ ана ўша яхшими ёки заққум дарахтими? Албатта, Биз у(дарахт)ни золимлар учун фитна қилдик. Дарҳақиқат, у бир дарахт бўлиб, дўзах қаъридан чиқур. Унинг (мева) тугар жойи, худди шайтонларнинг бошларига ўхшайдир. Бас, албатта, улар ундан егувчилардир. Ундан қоринларни тўлдиргувчилардир» (Соффаат, 62, 63).
إِنَّ شَجَرَةَ الزَّقُّومِ طَعَامُ الْأَثِيمِ كَالْمُهْلِ يَغْلِي فِي الْبُطُونِ كَغَلْيِ الْحَمِيمِ  
«Албатта, Заққум дарахти. Гуноҳкорлар таомидир. У худди эритилган маъдандек қоринларда қайнайдир. Қайноқ сувнинг қайнашига ўхшайдир» (Духон, 43-46).
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ  لَآكِلُونَ مِن شَجَرٍ مِّن زَقُّومٍ فَمَالِؤُونَ مِنْهَا الْبُطُونَ
«Сўнгра, сиз, эй адашганлар, ёлғонга чиқарувчилар! Албатта, заққум дарахтидан еювчисизлар. Бас, ундан қоринларни тўлдирувчисизлар» (Воқеа, 51-53).