Тавротнинг бугунгача келган шак-шубҳасиз сўзлари қайси сўзлар?

Жавоб
وَكَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ وَالْعَيْنَ بِالْعَيْنِ وَالأَنفَ بِالأَنفِ وَالأُذُنَ بِالأُذُنِ وَالسِّنَّ بِالسِّنِّ وَالْجُرُوحَ
قِصَاصٌ فَمَن تَصَدَّقَ بِهِ فَهُوَ كَفَّارَةٌ لَّهُ وَمَن لَّمْ يَحْكُم بِمَا أنزَلَ اللّهُ فَأُوْلَـئِكَ هُمُ الظَّالِمُونَ {45}
«Биз унда уларга жонга жон, кўзга кўз, бурунга бурун, қулоққа қулоқ, тишга тиш ва жароҳатларда қасос вожиб, деб ёздик. Ким у (қасос)ни кечиб юборса, бу унга каффоратдур. Ким Аллоҳ нозил қилган нарса ила ҳукм юритмаса, ўшалар золимлардир» (Моида, 45).
Юқоридаги оятда келган «унда» иборасини «Файзул Фурқон»да Тавротда деб келтирилган. (Қаранг: Ҳасан Таҳсин, 125-бет).

Қўшимча маълумот:
Юқоридаги ояти карима билан тўрт мазҳаб аҳлининг усулий қоидаси келиб чиққан: «Биздан олдингиларнинг шариати бизнинг ҳам шариатимиз бўлади, башарти ҳукм ўзгармаган ва бекор қилинмаган бўлса». Шунинг учун жиноятларга жазо юқоридаги оятга кўра малага оширилади (Ибн Касир, 2-жузъ, 58-бет).

Қўшимча маълумот.
Аъроф сурасининг 157-оятида Таврот ва Инжилда уммий Пайғамбар ҳақида ёзилганлигини топиб, ул Зотга эргашишлари зикр қилинган.