Забурнинг бугунгача келган шак-шубҳасиз сўзлари қайси сўзлар?

Жавоб
ولقد فضلنا بعض النبيين على بعض > فيه اشارة الى تفضيل رسول الله صلى اله عليه وسلم وقوله دلالة على وجه تفضيله وأنه خاتم الانبياء وان أمته خير الأمم لأن ذلك مكتوب في زبور داود قال الله تعالى ولقد كتبنا في الزبور من بعد الذكر أن الأرض يرثها عبادى الصالحون وهم محمد وأمته
«Ва дарҳақиқат, биз пайғамбарларнинг баъзисини баъзисига (нисбатан) фазилатли қилдик» (Исро, 55). Бу оятда Расулуллоҳ (соллаллоҳу алайҳи васаллам)нинг фазилатли эканликларига ишора бор. «Довудга Забурни келтирдик» (Исро, 55) деган Аллоҳнинг қавли унинг баъзи фазилатига далолат. Зотан, Расулуллоҳ (соллаллоҳу алайҳи васаллам) анбиёларнинг хатм қилувчисидир, унинг уммати эса ҳақиқатдан ҳам умматларнинг яхшиси.  Чунки  мана шу Довуд (алайҳиссалом)нинг Забурида ҳам ёзилган. Аллоҳ таоло айтади: «Дарҳақиқат, биз зикр (Таврот)дан сўнг Забурда: «Албатта, ерга Менинг солиҳ бандаларим ворис бўлурлар», деб ёзганмиз!» (Анбиё, 105). Булар Муҳаммад (соллаллоҳу алайҳи васаллам) ва унинг умматларидир. («Тафсири Насафий». 2-жузъ. 317-бет).
Юқоридаги далолатга кўра, Забурда келган оят Қуръони Каримнинг  Анбиё сураси  105-оятида нақл қилинган (Шайх Абдулазиз Мансур тафсири, 287-бет):
وَلَقَدْ كَتَبْنَا فِي الزَّبُورِ مِن بَعْدِ الذِّكْرِ أَنَّ الْأَرْضَ يَرِثُهَا عِبَادِيَ الصَّالِحُونَ {105} إِنَّ فِي هَذَا لَبَلَاغاً لِّقَوْمٍ عَابِدِينَ {106}
«Биз Зикрдан сўнг Забурда: «Албатта, ерга фақат Менинг солиҳ бандаларим ворис бўлурлар», деб ёзиб қўйгандирмиз. Албатта, бунда (Қуръонда) ибодат қилувчилар қавми учун хушхабар бордир» (Анбиё, 105, 106).