Дарахтдан Аллоҳнинг овозини эшитган Пайғамбар ким?

Жавоб
Мусо (алайҳиссалом):
إِذْ رَأَى نَاراً فَقَالَ لِأَهْلِهِ امْكُثُوا إِنِّي آنَسْتُ نَاراً لَّعَلِّي آتِيكُم مِّنْهَا بِقَبَسٍ أَوْ أَجِدُ عَلَى النَّارِ هُدًى {10} فَلَمَّا أَتَاهَا نُودِي يَا مُوسَى {11} إِنِّي أَنَا رَبُّكَ فَاخْلَعْ نَعْلَيْكَ إِنَّكَ بِالْوَادِ الْمُقَدَّسِ طُوًى {12}
«У оловни кўрган чоғида ўз аҳлига: «Туриб туринглар, мен оловни кўрдим, шояд, сизга ундан чўғ келтирсам ёки олов бошида йўл кўрсатувчини топсам», деди. (Ояти каримада Мусо алайҳиссалом Мадяндан Мисрга келаётганларида рўй берган ҳодиса баён этилмоқда.) Бас, у(олов)га келганида, нидо қилинди: «Эй Мусо! Албатта, Мен Ўзим сенинг Роббингдирман. Ковушларингни еч. Чунки сен муқаддас Туво водийсидасан» (Тоҳо, 10, 11, 12).

«Тафсири Насафий»да айтилишича, мазкур оятда зикр қилинган оташ-олов (аслида нур) яшил дарахтда кўринган. У узум (ток) дарахти бўлган бўлиши мумкин («Тафсири Насафий». 3-жузъ. 49-бет).