Кема ясаган ва кемачиларнинг пири бўлган Пайғамбар ким?

Жавоб
Нуҳ (алайҳиссалом).
وَاصْنَعِ الْفُلْكَ بِأَعْيُنِنَا وَوَحْيِنَا وَلاَ تُخَاطِبْنِي فِي الَّذِينَ ظَلَمُواْ إِنَّهُم مُّغْرَقُونَ {37} وَيَصْنَعُ الْفُلْكَ وَكُلَّمَا مَرَّ عَلَيْهِ مَلأٌ مِّن قَوْمِهِ سَخِرُواْ مِنْهُ قَالَ إِن تَسْخَرُواْ مِنَّا فَإِنَّا نَسْخَرُ مِنكُمْ كَمَا تَسْخَرُونَ {38}
«Бизнинг риоятимиз ва ваҳиймиз ила кема ясагин ҳамда зулм қилганлар тўғрисида Менга гап очмагин, албатта, улар ғарқ бўлгувчилардир», деб ваҳий қилинди. У кема ясамоқда. Ўз қавмидан бўлган зодагонлар қачон олдидан ўтсалар, уни масхара қилдилар. У: «Агар бизни масхара қилсангиз, биз ҳам худди сиз бизни масхара қилганингиздек сизларни масхара қиламиз» (деди) (Ҳуд, 37, 38).
Қўшимча маълумот.
Кемани Нуҳ (алайҳиссалом) икки йилда сож дарахтидан ясаган, узунлиги 300 зироъ, эни 50 зироъ, саҳни эса 30 зироълик бўлган. Уч қават қилиб ясалган: пастки қаватида ҳайвонлар, ўртадаги қаватда эса одамлар, юқоридаги қаватида қушлар бўлган («Тафсири Байзовий». 3/88).