Таяммум шартлари қандай ва қайси оятларда билдирилган?

Жавоб
Яна Қуръоннинг  Моида сурасида 6-оятида таяммум қилиш ҳам фарз бўлган ва унинг тартиби қуйидагича:
...وَإِن كُنتُم مَّرْضَى أَوْ عَلَى سَفَرٍ أَوْ جَاء أَحَدٌ مَّنكُم مِّنَ الْغَائِطِ أَوْ لاَمَسْتُمُ النِّسَاء فَلَمْ تَجِدُواْ مَاء فَتَيَمَّمُواْ صَعِيداً طَيِّباً فَامْسَحُواْ بِوُجُوهِكُمْ وَأَيْدِيكُم مِّنْهُ مَا يُرِيدُ اللّهُ لِيَجْعَلَ عَلَيْكُم مِّنْ حَرَجٍ وَلَـكِن يُرِيدُ لِيُطَهَّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ {6}
«Агар бемор ёки сафарда бўлсаларингиз ёхуд бирорталарингиз таҳоратхонадан келса ёки аёлларга яқинлик қилса-ю, сув топа олмасаларингиз, бас, покиза тупроқ ила таяммум қилинглар. Ундан юзингизга ва қўлларингизга масҳ тортинглар. Аллоҳ сизларга қийинчилик туғдиришни истамас Аммо сизларни поклашни ва сизларга ўз неъматини батамом қилиб беришни истайдир. Шоядки, шукр қилсангизлар» (Моида, 6).
Қўшимча далил:
Имом Бухорий ривоятлари:
فَقَالَ النَّبِىُّ - صلى الله عليه وسلم - « إِنَّمَا كَانَ يَكْفِيكَ هَكَذَا » . فَضَرَبَ النَّبِىُّ - صلى الله عليه وسلم - بِكَفَّيْهِ الأَرْضَ ، وَنَفَخَ فِيهِمَا ثُمَّ مَسَحَ بِهِمَا وَجْهَهُ وَكَفَّيْه
«Бас, Пайғамбар (соллаллоҳу алайҳи васаллам): «Албатта, сенга мана бундай қилиш кифоя қилади», дедилар-да, икки кафтлари билан ерни урдилар ва уларни пуфлаб, улар билан юзларини ва икки кафтларини масҳ қилдилар» (338-рақамли ҳадис).
Аммор ибн Ёсир (розияллоҳу анҳу)га Пайғамбаримиз (соллаллоҳу алайҳи васаллам) ана шундай қилиб кўрсатганлар.