Савол: Қуръон сураларининг қандай фазилати ва хосияти бор?

Жавоб: Абу Ҳурайрадан (розиzллоҳу анҳу) ривоят қилинади: Расулуллоҳ (соллаллоҳу алайҳи васаллам): «Ким бир кеча-кундузда Аллоҳнинг розилигини талаб қилиб, Ёсин сурасини ўқиса, гуноҳлари кечирилади», дедилар.
Бошқа бир ривоятда: «Ким кечаси Духон сурасини ўқиса, гуноҳлари кечирилган ҳолатда тонг отдиради», дейилган.
Ибн Масъуддан (розияллоҳу анҳу) қилинган ривоятда эса  Расулуллоҳ (соллаллоҳу алайҳи васаллам): «Ким ҳар кеча Воқеа сурасини ўқиса, унга камбағаллик етмайди», деганлар.
Абу Ҳурайрадан (розияллоҳу анҳу) ривоят қилинади. Пайғамбаримиз (алайҳиссалом): «Ким кечаси «Иза зулзилатил арзу...» сурасини ўқиса, Қуръоннинг ярмини ўқигандек бўлади, ким «Қул йа аййуҳул кафирун»ни ўқиса, Қуръоннинг тўртдан бирини ўқигандек бўлади, ким «Қул ҳуваллоҳу аҳад»ни ўқиса, Қуръоннинг учдан бирини ўқигандек бўлади», дедилар.