 |
| Нисо сураси тавсифи | ||
|
|
Нисо сурасида аёллар билан боғлиқ масалалар ёритилгани учун ҳам мазкур сура «Нисо», яъни «аёллар» деб аталган. Бошқа сураларда ҳам аёллар масаласи баён қилинган, бироқ бу суранинг аксар қисми мўмина-муслималар ҳукмига бағишланган. Нисо сураси «Катта Нисо сураси», Талоқ сураси эса «Кичик Нисо сураси» дейилади. Нисо Мадинада нозил қилинган бўлиб, Тивол суралар сирасига киради. У 176 оятдан иборат.
Нисо Мусҳафда тартиб бўйича тўртинчи сурадир. Мазкур сура Мумтаҳана сурасидан кейин нозил қилинган.
Нисо сурасида мусулмон ўртасидаги ижтимоий-оилавий муомалалар, эр-хотин ўртасидаги муносабат, етимларга қандай муносабатда бўлиш лозимлиги, уларнинг ҳақ-ҳуқуқлари, мерос масалалари кенг баён қилинган. Фароиз илмининг асоси ҳам айнан Нисо сурасида ёритилган.
|