Абу Убайд айтади: «Мен Шужоъ ибн Валиддан ўз исноди билан сўзлаб берганини эшитдим. Бир киши ҳузурига аёли кирганида намоз ўқишни бошлаган экан. Тонг отиб кетибди ҳамки, лекин у аёлига қиё боқмабди. Бу иши ҳақида маломат қилинганида, у киши: «Мен эр кишининг аҳли унинг ҳузурига кирганда ўқиладиган икки ракъат суннат намозини ўқишга турган эдим. Лекин Қуръоннинг ажойиблигига берилиб, аёлимни ҳам унутиб қўйибман», деган экан».