Шайх Абу Бакр Жазарий у ҳақда шундай дейди: «Мавсалда унинг жуда ажойиб дарсини тингладим. Сўнг устози Али ибн Абдулазиз Ирбалийнинг шундай деганини эшитдим: «Шуъла ёнимда ухлаб ётар эди. У бирдан уйғонди-да, менга: «Мен Расулуллоҳни (соллаллоҳу алайҳи васаллам) кўрдим. У Зотдан илм сўраган эдим, менга бир нечта хурмони едирдилар», деди. Ана шу пайтдан буён у очилиб, чиройли гапирадиган бўлиб кетди». У ҳижрий 656 йилнинг Сафар ойида 33 ёшида Мавсалда вафот этган.