Мусулмон ўқувчиларга мўлжалланган Қуръони Каримнинг ҳифз ва қироати мусобақаси пайшанба 7 июнь куни Франциянинг Лил шаҳрида бўлиб ўтади.

«lycee-averroes» ахборот сайти хабар беришича, бу мусобақа «Ибни Рушд» Ислом мактаби бўлими кенгашининг ташаббуси ила ўқувчилар иштирокида бўлиб ўтади.
Мусобақа ташкилий қўмитасига кўра, унда Қуръони Каримдан суралар ёдлаган ёки чиройли қироат қилиш истеъдодига эга бўлган барча ўқувчилар иштирок этишлари мумкин.
Қайд этиш керакки, мазкур исломий мактаб 1994 йилда Лил шаҳридаги давлат мактабларидан биридан 19 нафар ҳижобли муслималар ҳайдалгач йўлга қўйилди ва «Ал-Иймон» масжидининг масъуллари исломий ташкилотлар билан биргаликда бу мактабни очишди. Лил Исломий мактаби Франция давлатининг назорати остида фаолият кўрсатади.