Ваҳий таржимони маданий муассасаси томонидан турли тилларга таржима қилинган Қуръоннинг янги таржималари Теҳронда бўлиб ўтаётган Қуръони Карим халқаро кўргазмасида намойишга қўйилган.

Эрон Қуръон ахборот агентлиги (ИКНА) Қуръони Карим ўн тўққизинчи халқаро кўргазмаси бўлиб ўтаётган Теҳрондаги Имом Хумайний Мусаллосидан хабар беришича, Ваҳий таржимони маданий муассасаси томонидан турли тиллар, шу жумладан, инглиз, француз, испан, немис, хитой, туркман, курд, озарий, норвег, форс ва турк тилларига таржима қилинган Қуръони Каримнинг янги таржималаридан ташқари таржимон, нашриёт, нашр этилган жой, нашр йили ва саҳифалар сони ҳақида ҳам кенг маълумот берилган.

Қуръони Каримнинг Муҳаммад Маҳмуд Ғолий, Муҳаммад Ёсир, Зариф Холидий, Абдуллоҳ Юсуф Али ва Али Уноллар томонидан инглиз тилига қилинган таржимаси, Абдурраҳмон Ли Хунг Минг томонидан хитой тилига қилинган таржимаси, Аҳмад Фон Денфер ва Юсуф Куҳанлар томонидан биргаликда немис тилига қилинган таржимаси, Сиддиқ Сафизода томонидан курд тилига қилинган таржимаси ва бошқалар ана шулар сирасидандир.