Қирғизистон Ислом университетининг иккинчи курс талабаси, Қуръон ҳофизаси Ҳабиба Насриддинова Иордания Қуръони Карим халқаро мусобақасининг хотин-қизлар иштирокидаги олтинчи босқичида қатнашиб, тўртинчи ўринни эгаллашга эришди.

ИКНА нинг Марказий Осиё минтақасидаги бўлими хабар беришича, бу мусобақа ҳар йили Иордания қироли Рания Абдуллоҳ томонидан ташкиллаштирилиб  ўтказилади.
Мусобақада иштирок этган жаҳоннинг қарийб ўттизта ўлкасининг вакиллари Қуръони Каримнинг тўлиқ ҳифзи, 15 порасининг ҳифзи ва 10 порасининг ҳифзи ҳамда Қуръон қироати бўйича беллашишди.
Қайд этиш керакки, Иордания Қуръон халқаро мусобақасининг эркаклар иштирокидаги босқичи муборак рамазон ойида ўтказилади ва бу беллашувда Қара-Балта шаҳар «Қуръон-нур» Ислом институтининг битирувчиси Кароматуллоҳ Ҳабибуллоҳ Қирғизистоннинг вакили ўлароқ иштирок этади.
Эслатиб ўтамиз Иордания «Ал-Ҳошимий» Қуръони Карим халқаро мусобақасининг хотин-қизлар иштирокидаги олтинчи босқичи шу йилнинг 17 июль куни якунига етди.