10 апрель куни Мавритания пойтахти Нуакшот шаҳар жомеъ масжидида Қуръони Каримнинг ҳифз, тажвид ва тафсири бўйича мусобақа   бошланди.

Мавритания расмий ахборот агентлиги хабар беришича, бу мусобақа 256 нафар Қуръон қориси ва ҳофизи иштирокида турли арабий-исломий мамлакатларда бўлиб ўтадиган Қуръони Карим бўйича халқаро мусобақаларда иштирок этувчи мавританиялик вакилларни сайлаш мақсадида ўтказилади ва икки ҳафта давом этади.
Мавритания исломий йўналиш директори Саййидий Муҳаммад Валад уш Шавоф бу борада маълумот берар экан таъкидладики, мазкур мусобақада қатнашувчи Қуръони Карим ҳифз, тажвид ва тафсири йўналишининг ғолиблари Мавританиянинг вакиллари ўлароқ турли арабий ва исломий ўлкаларда бўлиб ўтадиган мусобақаларда иштирок этишади.
У илова этдики, бу мусобақа ўта аҳамиятлидир, чунки унда Мавританиянинг Қуръони Карим ҳофизлари ва қорилари турли ўлкаларда бўлиб ўтадиган Қуръони Карим бўйича халқаро мусобақаларда иштирок этиш учун сайланишади.