4 ноябрь куни Саудия пойтахти Ар-Риёз шаҳрида Ислом оламидаги энг катта қорилар анжумани бошланди. Анжуман уч кун давом этади. Уни Қирол Сауд университети Қуръон таълими идораси ташкил этган бўлиб, унда араб ва Ислом оламида  кўзга кўринган қорилар иштирок этади. Анжуманда Ислом оламидаги асосий қорилар тайёрлаш мактаблари кўриб чиқилади, 14-ҳижрий аср биринчи ярмидаги кўзга кўринган қори-устозлар ҳаёти ўрганилади, ҳозирги вақтдаги етакчи қорилар тақдирланади, шунингдек, ёш қори талабалар Ислом оламидаги катта қорилар билан учрашишади.