Хорватия Ислом бошқармаси Жидда шаҳридаги халқаро Қуръони Карим ҳифзи ҳайъати ҳамда Хорватия Ислом бошқармаси кенгаши билан ҳамкорликда жорий йилнинг 27-28 сентябрь кунлари Хорватия пойтахти Загребда Европа давлатлари ўртасидаги 20-Қуръони Карим тиловати мусобақасини ўтказади.

Бу йилги мусобақа «Загреб» жомеъ масжидининг очилганига 26 йил тўлиши муносабати билан Загреб шаҳрида ўтказилади.
Мусобақа беш босқичдан иборат бўлиб, унда Босния ва Герцоговиния, Словения, Туркия, Албания, Македония, Юнонистон, Сербия, Косово, Болгария, Австрия, Германия, Швейцария, Белгия, Франция, Британия, Финландия, Голландия каби қатор Европа давлатларидан вакиллар иштирок этадилар.
Европа давлатлари ўртасидаги 20-Қуръони Карим тиловати мусобақаси ғолибларни эълон қилиш, уларни тақдирлаш ва гувоҳномаларни топшириш орқали 28 сентябрь куни шом намозидан кейин якунланиши кутилмоқда.