Қуръонда ҳазрати Расулуллоҳ соллаллоҳу алайҳи васалламнинг васфлари баён қилинган энг муҳим оятлар қайсилар? Камида бешта мисол келтиринг.

Жавоб
إِنَّا أَرْسَلْنَاكَ بِالْحَقِّ بَشِيراً وَنَذِيراً وَلاَ تُسْأَلُ عَنْ أَصْحَابِ الْجَحِيمِ {119}
«(Эй Набий муҳтарам), Биз сизни ҳақ дин ила юборгандурмиз башорат бергувчи ва қўрқитғувчи қилиб ва сиздин дўзахийлар хусусларида сўралмас» (Бақара, 119).
مَّا أَصَابَكَ مِنْ حَسَنَةٍ فَمِنَ اللّهِ وَمَا أَصَابَكَ مِن سَيِّئَةٍ فَمِن نَّفْسِكَ وَأَرْسَلْنَاكَ لِلنَّاسِ رَسُولاً وَكَفَى بِاللّهِ شَهِيداً {79}
«(Эй инсон), санға қандоқ бир яхши нарса ҳосил бўлса, Аллоҳ тарафидин пайдо бўлур ва қандай ёмон бир нарса пайдо бўлса, ўз нафсинг тарафидин бўлур. Ва (эй ҳабиб), Биз сизни одамларға Пайғамбар қилнб юбордук. Ва гувоҳликда Аллоҳнинг ўзи кифоя қилур» (Нисо, 79).
وَمَا أَرْسَلْنَاكَ إِلَّا رَحْمَةً لِّلْعَالَمِينَ{107}
«Биз сени фақат оламларга раҳмат қилиб юбордик» (Анбиё, 107).
يَا أَيُّهَا النَّبِيُّ إِنَّا أَرْسَلْنَاكَ شَاهِداً وَمُبَشِّراً وَنَذِيراً {45} وَدَاعِياً
إِلَى اللَّهِ بِإِذْنِهِ وَسِرَاجاً مُّنِيراً {46}
«Эй Набий, албатта, Биз сени гувоҳлик бергувчи, хушхабар элтгувчи ва огоҳлантиргувчи, ўз изни ила Аллоҳга даъват қилгувчи ҳамда нурли чироқ қилиб юбордик» (Аҳзоб, 45, 46).
وَمَا أَرْسَلْنَاكَ إِلَّا كَافَّةً لِّلنَّاسِ بَشِيراً وَنَذِيراً وَلَكِنَّ أَكْثَرَ النَّاسِ لَا يَعْلَمُونَ {28}
«Биз сени барча одамларга фақат хушхабарчи ва огоҳлантиргувчи қилиб юбордик. Лекин одамларнинг кўплари билмаслар» (Сабаъ, 28).
وَإِنَّكَ لَعَلى خُلُقٍ عَظِيمٍ {4}
«Ва албатта, сен улкан хулқдасан» (Қалам, 4).