Иброҳим алайҳиссаломнинг отаси ҳақида истиғфор сўраб дуо қилишининг сабаби нимада?

Жавоб
Иброҳим (алайҳиссалом) ўз отаси билан тортишиб, отаси уни сўкиб, тошбўрон қилмоқчи бўлганда ҳалийм сифатли Иброҳим (алайҳиссалом.): «Сенинг учун Аллоҳга истиғфор айтаман», деб ваъда берган эди. (Ҳасан Таҳсин, 321-бет).
Ана шу ваъдага вафо қилиш учун отасига истиғфор айтди, холос. Кейинчалик унга отаси Аллоҳнинг душмани эканлиги аён бўлди. Ўшанда у отасидан воз кечди:
وَمَا كَانَ اسْتِغْفَارُ إِبْرَاهِيمَ لِأَبِيهِ إِلاَّ عَن مَّوْعِدَةٍ وَعَدَهَا إِيَّاهُ فَلَمَّا تَبَيَّنَ لَهُ أَنَّهُ عَدُوٌّ لِلّهِ تَبَرَّأَ مِنْهُ إِنَّ إِبْرَاهِيمَ لأوَّاهٌ حَلِيمٌ
«Иброҳимнинг отаси учун айтган истиғфори унга берган ваъдаси устидан эди, холос. Вақтики, унга отасининг Аллоҳга душман эканлиги аён бўлганда ундан воз кечди. Албатта, Иброҳим тазарруъли ва ҳалиймдир» (Тавба, 114).